BABAD PANDE BRATAN 8

22.a. sidha sadia denia masang upaya, sidha sang mpu lepas saking bandhana, irika sang mpu dharmaswami maneseel sarirania, ridenia asawitra wwang nicha candhala, etu nira amangguh duhka maha bhara, yeka don mpu dharmaswami amangun sasat, lwirnia, indah kamung hyang trayodasi, mandadi sanghyang catur lokha phala, bhatjara sang pinaka saksining jagat, mawit saking mangkin sang brhamana pandhita kadi nghulun, tan dadia asawitra masih ring wong mapakedhepan kadi macan, mwang pande suwarnangkara,

22.b. saturun turunia, yan ana brahmana pandhita ri wekas turunanku, asawitra ring pandhe mas, moga amangguh dhuka maha bhara, kalih saking mangkin trus saturun turunanku, tan dadi maweh tirtha ring sawatek turunan i pande suwarnangkara saturun turanania, yan ana brahmana pandhita sabha masuk ri ngumaha pande mas, apania candhala, samangkana wak sapata rsi dharmaswami, sdang kita tiru, apan pandhita maha sakti, samangkana pawarah mpu siwasaguna ring brahmana dwala, tlasing sabda

23.a. muksa sira mpu siwaguna tan katon apan wus iniring sabda nira de sang brahmana dwala, tucapa sang brahmana dwala ri sampune muksa sang mpu gandring sakti, malih matuk ka madhura, kaswen ring madhura mahyun sira apodgala madiksa widhi, awana nenten wenten patut ring kahayunira kanggehang pacang guru ring jagat madhura, dening asapunika raris sang brahmana dwala makarya archa paralingga mpu bhumi sakti saha strine diah amrethatma ring sampune puput archa pralingga ika, raris kakaryanang linggih padma

23.b. sana ring sajeroning patapan ring pamrajan, archa pralingga punika raris kasengguhang gurune, tan bhina kadi sang ekalawia amnabe ring aarcha pralingga danghyang drona, asapunika mangkin sang brahmana dwala manabhe archa pralingga mpu bhumi sakti, amlarapan nguni wenten ichan mpu bhumi sakti, nga, pustaka bang ring sang dwala, yeka mangke kasengguhang wisik anugraha, ne munggah pamidartha ring sastra pustaka bang, indik karahasian dharma kapandeyan idup mwang mati, saking punika raris magentos

24.a. pesengan, mangke mpu dwala, mpu wala, kaswen mpu wala sampun madrewe putra roro padha laki, ikang jyesta mangaran arya pande wulung, kang ari mangaran arya pande sadaka, tucapa ring bali, pangadeg sri baturenggong ring gelgel, ayat mangwangun karya ekadasarudra ring besakih, irika dalem ngandikayang para juru angulati karya undagi, maranggi, pande wesi, anghing pande mas durung wenten ring bali, wkasan ana wretha yan ring candikuning wenten pande

24.b. mas, kasub widagda amandhe, ling wenten wreta mula saking jagat madhura, roro sanak rauh ka bali, anama arya pande wulung mwang arya pande sadaka, ngawangun patapan ring gunung pabratan, punika kaundang antuk dalem rawuh ka gelgel, sadhateng nira ring gelgel sang pande anuli marek ring dalem anuun ligra saha sembah, angandika dalem, ih mpu pande kita kinonku mangke agawia upacara mas pirak, sapratekaning yajnya ngekadasurudra, atur mpu pande,

Babad Pande Bratan bersambung.........