BABAD PANDE SERONGGA 6

Risampun kasuen, I Nengah Bedil mawetu budi momo tur ngarah bekelannyane apang sregep magegawan lakar nguug Pujung Anyare; sampun pajenengane kali kaagemang kari ring palinggihan. Raris kauug Pujung muah Kebon Jaka tan purun mapaksa, kaon sepisan. Sampun kagenahang pacek pakukuh ring Pujung. Dadi to wenten manah I Pande dados pacek pakukuh ring Pujung; ledang I Prajuru tur dane ngarah desane ring Tlepud ngembus prapene di jaban purane tur jujukang di Pujung. Critanan gelis puput mungguing kubu muah bale paturon sampun magenep saking patulung dane Jero Nengah muah saking Pujung katah matulung. Sampun ipun I Pande jenek ring Pujung sekurenan, dados wenten manah I Prajurune ring Pujung I Pande punika kawehin anak luh, sampun sami adung. Sampun kasuen magenah ring Pujung, kurenan I Pande makatetiga sampun pada ngelah pianak. Kurenan mula ngelah pianak paling kelih I Bongkok, I Bobol, I Bugbug, I Tatak, I Rarud, I Lulu, I Metu. Kurenan saking Tlepud ngelah pianak I Temelung. Kurenan saking Pujung ngelah pianak I Srengga.

Sumber:
Les Pande De Bali
Oleh:
Jean-Francois Guermonprez
1987